ក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចូលរួមប្រជុំផ្ទៃក្នុង ដឹកនាំដោយឯកឧត្តម ម៉ាន់ ឈឿន អនុប្រធានក្រុមសមាជិកព្រឹទ្ធសភាប្រចាំភូមិភាគទី១ ឯកឧត្តមបណ្ឌិត ចែម វីឌ្យ៉ា លេខាធិការក្រុមភូមិភាគទី១ លោកជំទាវ ម៉ាណ ណាវី សមាជិកាក្រុមភូមិភាគទី១ ឯកឧត្តម ង៉ែត ចដ្ដាវី សមាជិកក្រុមភូមិភាគទី១ រួមជាមួយតំណាងខុទ្ទកាល័យឯកឧត្តមបណ្ឌិតទី២ព្រឹទ្ធភា និងមន្រ្តីការិយាល័យអមក្រុមភូមិភាគទី១ ដើម្បីពិនិត្យនិងពិភាក្សាការងារលើរបៀបវារៈរបៀបវារៈ មានដូចខាងក្រោម៖
១-ពិនិត្យ និងពិភាក្សាលើរបាយការណ៍សកម្មភាពប្រចាំខែមេសា និងលើកទិសដៅការងារអនុវត្តបន្តខែឧសភា ឆ្នាំ២០២៥ របស់ក្រុមសមាជិកព្រឹទ្ធសភាប្រចាំភូមិភាគទី១
២-ពិនិត្យ ពិភាក្សាតារាងតាមដានវាយតម្លៃ វឌ្ឍនភាពការងារ ក្នុងភូមិភាគទី១
៣-ការងារផ្សេងៗ។
កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី៧ព្រឹទ្ធសភា នាព្រឹកថ្ងៃព្រហស្បតិ៍ ទី២៤ ខែមេសា ឆ្នាំ២០២៥ វេលាម៉ោង០៩:០០នាទី និងបញ្ចប់នាម៉ោង១១:០០នាទី។
